ന്യൂഡൽഹി: മൂന്നുലക്ഷം രൂപയിൽ കൂടുതലുള്ള ഇടപാടുകൾക്ക്‌ പണം ഉപയോഗിച്ചാൽ 100 ശതമാനം പിഴചുമത്തുമെന്ന്‌ കേന്ദ്ര റവന്യൂ സെക്രട്ടറി ഹസ്മുഖ്‌ ആദിയ.
ഏപ്രിൽ ഒന്നു മുതൽ പുതിയ തീരുമാനം നിലവിൽ വരും. പണത്തിന്റെ ക്രയവിക്രയം കുറയ്ക്കുന്നതിനൊപ്പം കള്ളപ്പണത്തിന്റെ ഉറവിടം തടയുന്നതിനുവേണ്ടിയാണ്‌ നടപടി. വാർത്താ ഏജൻസിയായ പിടിഐക്ക്‌ നൽകിയ അഭിമുഖത്തിലാണ്‌ റവന്യൂ സെക്രട്ടറി ഇക്കാര്യം വെളിപ്പെടുത്തിയത്‌.
മൂന്നു ലക്ഷം രൂപയിൽ കൂടുതലുള്ള ഇടപാടുകൾക്ക്‌ വിലക്കേർപ്പെടുത്തുന്ന കാര്യം ബജറ്റിൽ നിർദേശിച്ചിരുന്നു. പണം സ്വീകരിക്കുന്ന ആളാണ്‌ പിഴ നൽകേണ്ടത്‌. ‘നാലു ലക്ഷം രൂപയുടെ ഇടപാട്‌ നേരിട്ട്‌ പണത്തിലൂടെ നടത്തുകയാണെങ്കിൽ നാലു ലക്ഷം രൂപ പിഴ നൽകണം. ഇനി നിങ്ങൾ 50 ലക്ഷം രൂപയുടെ ഇടപാടാണ്‌ പണത്തിലൂടെ നടത്തുന്നതെങ്കിൽ പിഴ നൽകേണ്ടത്‌ 50 ലക്ഷം രൂപയാണ്‌’ ആദിയ വ്യക്തമാക്കി.
മൂന്നു ലക്ഷത്തിനു മുകളിലുള്ള ഒരു കച്ചവടം നടന്നാൽ ഇത്രയും തുക പണമായി വാങ്ങിയാൽ കച്ചവടക്കാരൻ പിഴ അടയ്ക്കണം. അതിനാൽ, മറ്റുമാർഗങ്ങൾ സ്വീകരിക്കാൻ കച്ചവടക്കാർ നിർബന്ധിതരാകും. ഇങ്ങനെ കൂടുതൽ തുകയ്ക്കുള്ള ഇടപാടുകളിൽ പണം ഉപയോഗിക്കുന്നത്‌ കുറയ്ക്കാൻ സാധിക്കുമെന്നാണ്‌ കരുതുന്നതെന്നും റവന്യൂ സെക്രട്ടറി പറഞ്ഞു.
പുതിയ പരിഷ്കാരം സർക്കാരിനെയോ ബാങ്കുകളെയോ പോസ്റ്റ്‌ ഓഫീസ്‌ നിക്ഷേപങ്ങളെയോ സഹകരണ ബാങ്കുകളെയോ ബാധിക്കില്ലെന്നും റവന്യൂ സെക്രട്ടറി അറിയിച്ചു.
Related posts
-
പൊതുമേഖല സ്ഥാപനങ്ങളുടെ ആകെ നഷ്ടം 87,357 കോടി
രാജ്യത്ത് ആകെയുള്ള 21 പൊതുമേഖല ബാങ്കുകളിൽ 2017-18 സാമ്പത്തിക വർഷത്തിൽ ലാഭം രേഖപ്പെടുത്തിയത് വെറും രണ്ടുബാങ്കുകൾമാത്രം. വിജയാ ബാങ്കും ഇന്ത്യൻ ബാങ്കും.... -
എസ്.ബി.ഐ. ക്രെഡിറ്റ് കാര്‍ഡ് തട്ടിപ്പ് !,എടുത്ത നൂറോളംപേര്‍ സാമ്പത്തിക കുരുക്കില്‍
കോഴിക്കോട്:എസ്.ബി.ഐ.യ്ക്ക് നേരിട്ടുബന്ധമില്ലാത്ത എസ്.ബി.ഐ. ക്രെഡിറ്റ് കാർഡ് എടുത്ത നൂറോളം പേർ സാമ്പത്തിക കുരുക്കിൽ. കോഴിക്കോട് മേഖലയിൽ നൂറോളം പേർക്കാണ് ചെന്നൈ... -
ബാങ്ക് വായ്പ വേണോ? പാസ്‌പോര്‍ട്ട് വിവരങ്ങള്‍ നല്‍കേണ്ടി വരും
ന്യൂഡൽഹി: വൻ തുക വായ്പ ലഭിക്കാൻ ഇനി പാസ്പോർട്ട് വിവരങ്ങൾകൂടി നൽകേണ്ടിവരും. വായ്പയെടുത്ത് രാജ്യംവിടുന്നത് പതിവായ സാഹചര്യത്തിലാണ് പുതിയ നിബന്ധനകൂടി ഉൾപ്പെടുത്തുന്നതിനെക്കുറിച്ച്...